ULVESETH-TUNET AKTIVITETSGARD ELIN J ULVESETH MINDE

Ulveseth-Tunet har eit mangfald av tilbod innan skule, arbeid og fritid. Vi tilrettelegg for den einskilde og grupper etter behov.
Vi er fire vaksne som arbeider på garden; ein pedagog, ein speialpedagog og to assistentar. Tre av oss er fagutdanna innan landbruk, den tredje har mange års erfaring med friluftsliv, padling, klatring, fikse, jakt og snekring av både hus og møblar.
Garden er i full drift med ca 150 v.f. sau og villsauer, ca 20 kasjmir-geiter og høns, så vi har mange og varierte arbeidsoppgåver.
Vi har eige godt utstyrt treningsrom på låven, tilgong til både sjø, vatn og båt, samt store utmarksområde å boltre oss på. I eige lokale har vi opphaldsrom med fullt utstyrte kjøken, toalett og garderobe, og arbeidsrom til maling, snekring og andre hobbyaktivitetar.
Vi er opptekne av at den einskilde skal få oppleve tryggleik, meistring og utvikling i møte med andre menneske, dyr, natur og ulike aktivitetar.
Velkommen til å ta kontakt for meir informasjon!